A UVigo sitúase como universidade española líder en Ciencia e Tecnoloxía dos Alimentos e Oceanografía

A Shanghai Ranking Consultancy, responsable do ránking ARWU (máis coñecido como ránking de Shanghai), fixo público este luns o seu Global Ranking of Academic Subjects (GRAS) 2024, a clasificación das mellores universidades do mundo en 55 materias de investigación. Nel, a Universidade de Vigo sitúase como primeira universidade española en dúas materias: en Ciencia e Tecnoloxía dos Alimentos e en Oceanografía, empatada neste último caso coa Universidad de Las Palmas de Gran Canaria. En total son dez os ámbitos de coñecemento nos que a UVigo se posiciona entre as institucións de educación superior referentes a nivel internacional.

Concretamente, no GRAS 2024, no ámbito de Ciencia e Tecnoloxía dos Alimentos, a UVigo ocupa o posto 34 do mundo, sendo a primeira universidade española neste ránking. Polo que respecta a Ciencias Agrícolas a UVigo mantense entre as 300 mellores (no tramo 201-300).

¿Queres saber mais? Consulta o DUVI